遊戲簡介
Fire Emblem Heroes 係 Intelligent Systems 開發，任天堂發行既戰棋遊戲，遊戲對應 iOS 和 Android 平台，於 2017 年 2 月 2 日發行。
基礎簡介
火紋精神：人死不能復生，死左無經無sp輸遊戲!
FEH玩法同原作非法類近，遊戲保留原作常駐兵種以及武器相剋系統。
兵種
武器
紅屬 (劍
藍屬 (槍
綠屬 (斧
無屬 (弓
武器相剋
紅>綠>藍>紅
攻擊有利方可提高 1.2 倍攻擊，而被相剋方會降低至 0.8 倍攻擊
註：呢度講既攻擊係指角色攻擊力，而非實際造成既傷害，詳情可以參考之後傷害公式部份。
特效武器
使用特效武器攻擊被剋目標可提升 1.5 倍攻擊力
例如
斬馬刀 - 馬特效
祕毒暗器 - 步兵特效
ファルシオン(Falchion)法爾西昂 - 龍特效
角色個體值(性格)
就算係相同既角色，都會有唔同既個體修正。雖然lv 40 時角色總數值會一致，但係角色有機會係體力，攻擊，速度，防禦，魔防 5 方面有+-偏差值。
個體修正只有三個可能性:
1. 提升兩項能力， 減低兩項能力， 一項能力正常(有待查證)
2. 提升一項能力， 減低一項能力， 三項能力正常
3. 全部能力都正常
舉個栗子
クレイン
Klein
由於部份角色只能抽出 4 星/ 5 星，所以係無 3 星數據。
假設抽中一隻 5 星クレイン，Lv1 時數值係 Hp 18 Atk 17 Spd 1 Def 5 Res 5，對應上邊個表可以知道呢隻就係加攻減速性格。咁佢Lv40 齊技數值會係 Hp 40 Atk 41 Spd 25 Def 20 Res 24，計算方法係將Lv40裸值 +- 技能修正，性格修正，同武器攻擊力。因為加攻性格所以攻擊力係 31 + 3 + 7 = 41 ，減速性格所以速度係 33 - 5 -3 = 25。
戰鬥系統
傷害公式攻擊 * 相剋加乘 * 特效攻擊 - 防禦/魔防 (點數截尾唔計)
eg.一隻 50 攻紅屬斬馬劍打一隻 20 物防綠屬騎兵，傷害 = 50 * 1.2 * 1.5 - 20 = 70
追擊在戰鬥中當某方角色既速度高過敵方速度5點即可發動追擊(打多敵人一次)
case 1：己方 20 速角色攻擊 28 速敵人
結果：攻擊反擊反擊
case 2：己方 30 速角色攻擊 25 速敵人
結果：攻擊反擊攻擊
case 3：己方 30 速角色攻擊 26 速敵人
結果：攻擊反擊
角色同一時間只可裝備一個奧義，奧義越強cd越高。
當奧義cd變成 0，cd數會變成，代表可以發動奧義。奧義cd可由攻擊敵人，被敵人攻擊，治療隊友同部份角色技能減少。
奧義傷害不會受屬性相剋效果影響。
地圖炮
地圖炮其實都係奧義既一種，可以係路徑中造成範圍傷害，地圖炮係戰鬥前觸發，只可以打到敵人剩係1血。
圖中可以見到打出 60 + 40 x 2既傷害， 60 係地圖炮傷害。 首先敵人會因為地圖炮傷害由14血扣到 1 血。之後會進入常規戰鬥，被 40 傷害打死。
戰鬥變數case 1
Q：明明藍髮囡囡高 9 速，點解追擊唔到？
A：因為紅髮囡囡本武器內建戰鬥中加速效果，紅髮囡囡戰鬥中速度 = 29 + 5 = 34 所以追擊唔到。
戰鬥中強化效果唔會係數值上直接顯示，所以出擊前要檢查好敵人武器同技能有無強化效果。
case 2
Q：點解相差2速同埋本應係26點既攻擊突然會可以發動追擊變成 30 * 2？
A:因為綠髮禦姐自帶強化兩格距離內飛行單位既技能。
強化類技能用得好可以先手秒對手，不過同時都要留意遠方敵人有無遠距離強化技能以免中伏。
開局建議
每個新手都可以拎一隻免費五星角，記住揀弓騎囡囡。
首抽建議雙 A+ 5星起手
Gamepedia 評分榜
角色ranking可以係度查，合格之後要再調查個體值，遇到減攻減速性格，如果有心長玩最好砍掉重練，個體值詳情較早部份已介紹。
每一期都有唔同角色池，banner圖中角色係該池pick up角。而呢期萬聖節pool係超英雄pool，超英雄實力比較強，而且個pool夠鐘就無可能係其他pool抽到超英雄，所以有超英雄係必抽。而一般新出英雄會係往後新pool可以繼續抽到。
每個pool都有獨立 5 星出率。一般 5 星同 pick up角出率各自為 3 %，而英雄祭pool係各自 5 %。每當玩家係同一個pool抽五隻角(無需要一次過抽 5 隻)，5 星同 pick up角出率各自加 0.25 %，當抽中五星角之後出率會reset做 3 %。
5 連抽
每次單獨召喚需要 5 粒石。不過 5 連抽可以慳石。如果一次過抽晒界面出現既5粒顏色珠，總共需要 5 + 4 + 4 + 4 + 3 = 20 石。
遊戲界面&模式簡介
主頁面
任務頁面右上角，登錄nintendo account 送10石，每個nintendo account限取得一次登錄獎勵。
戰鬥頁面
概要：
透過打 3 連/ 5 連 / 7 連戰係活動期間獲得分數，分數越高獎品越多，每期獎品一般為石，五星角色，羽毛，結晶，聖印等。
玩法：
每期都有加分角，加分角有能力加乘，輕輕鬆鬆又 7 連(只要出過場參戰就會加分)
每日頭兩場有3倍加分，要好好珍惜。戰死既角色係同一場戰渦無法再出動 。同縛鎖唔同，如果相同既角色有兩隻，另一隻可以照常出動，練多幾隻再動會係好幫手。
概要：大英雄/絆英雄戰設有三種難度，玩家可以透過通關獲得特效稀有獎品。大英雄戰以送出活動限定角色(不能由任何pool抽出)及羽毛為主(困難難度送三星角色，瘋狂難度送四星角色，地獄難度送四星角色 + 2000+羽毛)，絆英雄戰以送出石為主。
玩法：
最能夠體現傳統火紋隊友不能戰死既精髓，死一件就當輸，唔可以用復活道具。
1.主線
2.外傳
3.連戰(有可觀既羽毛同石收入)
要求玩家連續打主線/外傳既關卡 ，玩法同戰渦差唔多
4.縛鎖迷宮(送聖印)
玩法:
要求0死，同一角色只能出場一次，就算有兩隻相同角色都無用 ，連續打5場，每場要換未出過場既角色打 。
1.普通闘技場
每輪闘技場維持一星期，然後結算積分派羽毛，圖中十隻角色係該期加分角。(落一隻就可以加分，效果唔疊加)
其中男女主同安娜係常駐加分角，新手練定有著數。
玩法：
每次要用一點對戰權挑戰其他玩家隊伍，對戰權每日三點回滿一次 。玩家需要係七連勝中同其他玩家鬥高分，玩家可以係一星期內消耗對戰權無限刷新高分。圖中 4790 就係我目前獲得既最高分數，而 1372 就係我新一輪挑戰目前既分數。
2.縛鎖闘技場
縛鎖系列玩法一樣，不過變成闘技場模式打 7 場，可以不消耗任何道具無限重刷。
圖中有十款道具，每次挑戰可最多攜帶三件道具。三連勝可以隨機獲得一個，六連勝可以隨機獲得兩個，七連勝可以隨機獲得三個。以下由上至下左至右介紹。
1.特効薬：全體 + 99 hp
2.鼓舞の角笛：全體己方角色攻擊、速度、防禦、魔防 + 3 一回合
3.奥義の刃：全體己方角色奧義cd變 0
4.行軍のブーツ：全體己方角色移動力 + 1
5.神竜の涙：最多兩位未行動己方角色攻擊、速度、防禦、魔防 + 3 一回合；奧義cd變 0
6.踊り子のヴェール：使其中一個已行動己方角色再行動
7.落雷の呪符：全體敵方角色扣 20 hp
8.恐慌の呪符：使全體敵方角色既buff變成debuff直到敵人下次行動結束
9.畏怖の呪符：使全體敵方角色不能反擊直到敵人下次行動結束
10.重圧の呪符：使全體敵方角色行動力變成 1 直到敵人下次行動結束
升lv刷sp地方，每逢週末獲得sp提升兩倍。
1-5/F 可以獲得小勳章/細結晶
6-10/F 可以獲得 大、小勳章/大、細結晶
結晶為每日修練之塔首勝獎勵。
概要：
每次有8個角色進行淘汰賽，玩家可選擇加入其中一方陣營，如果己方陣營敗陣，可在四強/決賽加入其他陣營。
玩法：
比賽方式為 3 v 3 對決，玩家可指派1隻出戰角色(當前隊伍第一隻角色)，其餘兩隻隊友為隨機分配(由玩家控制)。
